2020 Martxoa-ren 14, Larunbata.
HITZALDIAK
13:30-14:00 Hitzaldia: Beso robotikoa kontrolatzen ikasten burmuinaren bitartez
Ipuin honetan, burmuinera konektatutako ordenagailu bat nola entrenatu daitekeen ikusiko duzue. Ordenagailuak beso robotiko bat mugitzea lor dezake!
18:30-19:00 Zure burmuina haurrena baino askoz desberdinagoa dela uste duzu?
Jaio baino lehen eta zahartzarorarte burmuina nola aldatzen den ikustera etorri zaitez! Konpetizio batean, haur batek irabaziko lizuke?
ELKARLANEAN EGITEKO JARDUERAK
Goizean: 11 - 13:30h Arratsaldean 16 - 18:30h
Zure burmuina, biluzik
Burmuinak nola funtzionatzen duen ikustera etorri zaitez! Burmuinaren atal desberdinak eta funtzioak deskribatuko ditugu, erresonantzia magnetikoaren bidez ataratako irudien bitartez! Gainera, burmuinaren atalekin egindako txapela eraman dezakezu etxera!
Burmuinaren erritmoak ezagutzen
Gure buruaren barruan, neuronek erritmo desberdinetara dantza dezakete! Erritmo hauek sentsore batzuen bidez neurtuko ditugu, neuronen arteko elkarrizketa eta dantzak ikusiz! (Parte hartzaileen ilea zikin daiteke).
Zure burmuina beste animalienarekin konparatu
Burmuina mapamundi baten antzekoa da, herrialde desberdinak konektatzen dituen errepideekin antolatua. Eboluzioan zehar espezie desberdinen burmuina nola aldatu den ikustera etorri zaitez, jaiotzetik zahartzarorarte.
Nola zahartzen da gure burmuina?
Gure gorputza zahartzen doan moduan, burmuinak ere urteak betetzen ditu! Zahartze osasuntsu eta aktibo batek edota gaixotasunek, adibidez Alzheimer edo Parkinsonak, gure burmuina nola aldatzen duten ikustera etorri zaitez!
Pertsona bakarra, bi hizkuntza?
Nola antolatzen dituzte elebidunek dakizkiten hizkuntzak burmuin berean? Hizkuntza desberdinekburmuinean nola eragiten duten elkarri ikusiko dugu, baita hizkuntza berri bat ikasteak burmuinean dituen ondorioak ere!
Zer gertatzen da pertsona gorren burmuinean?
Gorren arteko komunikatzeko hizkera eta musikarekiko harremana ezagutu nahi badituzu, hurbildu zaitezgure tailerrera!
Gure zentzumenak
¿Nola bereiz dezakegu gozoa garratzetik, urdina gorritik edo soinu ozena isiletik/suabetik? Gureburmuinak ikusi, entzun, usaindu eta dastatzea ahalbideratzen gaitu. Badakizu nola lortzen duen?
ARTE KONPETIZIOA
Zure burmuinak pinta dezala! Burmuina eta artearen arteko lotura arte-lanen bidez sortzera animatzenzaituztegu! Etortzen zaretenean ekarri, garaileentzako sari ikaragarriak dauzkagu eta!